Na escuela onde trabayen Xulio, Xuan, Soledá, Antonia... nunca nun pasa nada ensin que lo sepia Carlos, esi nenu al que toos llamen el Chisgu. Por eso, cada vez que se produz un robu, toos piensen que'l Chisgu tien daqué que ver... Pero nun se pue demostrar si nun confiesa elli mesmu, anque bien se pue investigar... Cuando a la profesora Soledá-y roben la cartera en clase, Xuan, otru profesor, nun ta dispuestu a quedar colos brazos cruzaos. ¿Qué va pasar si se descubre'l culpable? Xavier Frías Conde nació en Béjar, Salamanca, en 1965. Vive en Madrid, onde trabaya como maestru. Escribe en castellán, gallegu y asturianu. Nesta mesma colección publicamos la so novela Les esperances d’Abu el-Hol (1993).

Exiptu, esi país del noreste d'Africa que conocemos poles pirámides, la Esfinxe, los faraones y les momies, ye agora un país de contrastes: el desiertu y la tierra que riega El Nilu, la moderna y gran ciudá d'El Cairu y los pueblos que viven como hai dos mil años, los ricos y los probes... La hestoria que se cuenta equí, la de Musa, el neñu poliomilíticu fíu d'un ricu comerciante que nun se conforma col so destín, tamién ta enllena de contrastes, sobre too cuando conoz a 'Emad, un nenu que vive pidiendo na cai. Xavier Frías Conde naz en Béjar, Salamanca, en 1965. Vive en Madrid, onde trabaya como maestru. Vien publicando llibros en gallegu, castellán y asturianu.